असार भित्रै सामाजिक सुरक्षा कोषमा पाँच लाख श्रमिक जोडिने, यस्ता छन् आकर्षक सुविधा
अखबार हब
काठमाडौं । सरकारले चालु आर्थिक वर्षभित्रै पाँच लाख श्रमिकलाई सामाजिक सुरक्षा कोषमा आवद्ध गराउने भएको छ । कोषमा हालसम्म १३ हजार २ सय ८ कम्पनीका एक लाख ८९ हजार २ सय ३४ जना श्रमि श्रमिक तथा कामदार आवद्ध छन् ।
सरकारले करार तथा ज्यालादारी ५० हजार कर्मचारीलाई केहि समयभित्रै कोषमा सूचिकृत गराउँदैछ । ‘५० हजारको हाराहारीमा रहेका करार तथा ज्यालादारी सरकारी कर्मचारीलाई सामाजिक सुरक्षा कोषमा केहि समयभित्रै आवद्ध गराइँदैछ’, श्रम, रोजगार तथा सामाजिक सुरक्षा मन्त्रालयका सचिव तोयम रायाले भने ।
कोषका कार्यकारी निर्देश कपिलमणिी ज्ञवालीले संसोधित कार्यविधीले कोष प्रति रोजगार दाता तथा श्रमिक, कामदारहरुको आकर्षण बढ्ने बताए । ‘हामीले प्राप्त सुझावहरुलाई समेटेर कार्यविधि संसोधन गरेका छौं, यसले रोजगारदाता र श्रमिकहरुको अधिकतम हितलाई सम्बोधन गरेको छ’, कोषका कार्यकारी निर्देशक ज्ञवालीले भने ।
सरकारले समाजिक सुरक्षा कोष प्रति रोजगारदाता र श्रमिकको आकर्षण बढाउन चैत, बैशाख, जेठ र असारको कुल एक अर्ब ३ करोड रुपैयाँ कोषमा जम्मा गरिदिएको थियो ।
यस्ता छन् आकर्षक नयाँ सुविधा
कोषले साढे दुई वर्ष योगदान गरेका योगदानकर्ताहरुलाई कुल योगदान रकमको ८० प्रतिशतसम्म सापटी दिने सुविधा दिएको छ । त्यस्तै, एक लाख २५ हजार भन्दा बढी तलब खाने योगदान कर्ताहरुलाई सोहि रकमका आधारमा मात्रै योगादन गर्न पाउने सुविधा पनि दिएको छ । उपचार खर्चको सिमा पनि ८० हजारबाट बढाएर एक लाख रुपैयाँ पुर्याएको छ । अवकास कोषमा जम्मा भएको रकम जागिर छाड्दा पाउने सकिनेछ ।
