दशैं सकिए लगत्तै ह्वात्तै बढ्यो सुनचाँदीको मूल्य
अखबार हब२०७८ कार्तिक १, सोमबार १२:१६
काठमाडौं । बडादशैं सकिएसँगै आज नेपाल सुनचाँदी व्यावसायी महासङ्घले सुनको मूल्य पनि सार्वजनिक गरेको छ । आज सोमबार नेपाली बजारमा सुनको मूल्य बढेको छ ।
गत सोमबार अर्था असोज २५ गते प्रतितोला ९० हजार ६०० रुपैयाँमा कारोबार भएको सुनको मूल्य आज प्रतितोला ९१ हजार ३०० रुपैयाँमा कारोबार हुने नेपाल सुनचाँदी व्यावसायी महासङ्घले जनाएको छ ।
गत सोमबार अर्थात अघिल्लो हप्ताको तुलनामा आज सुनको मूल्य प्रतितोलामा ७०० रुपैयाँले बढेको हो । महासङ्घका अनुसार आज तेजाबी सुनको मूल्य प्रतितोला ९० हजार ८५० रुपैयाँ रहेको छ । यस्तै चाँदीको मूल्य पनि बढेको छ ।
गत सोमबार अर्थात आसोज २५ गते प्रतितोला १ हजार १८० रुपैयाँमा कारोबार भएको चाँदी आज ४५ रुपैयाँले बढेर प्रतितोला २ हजार २२५ रुपैयाँमा कारोबार हुने महासङ्घले जनाएको छ ।
