टिकटकमा ‘परफेक्ट’ जोडीः सम्बन्ध टुट्न लागेपछि श्रीमतीको हत्या

अखबार हब

२०७८ मंसिर ३, शुक्रबार १३:४१

काठमाडौं । अली र एना अबुलाबन टिकटकका लोकप्रिय जोडी थिए । र, सामाजिक सञ्जालमा उनीहरू आपसमा एकदमै खुशी देखिन्थे । उनीहरू र ५ वर्षीया छोरी सँग–सँगै नाच्ने, हृदयस्पर्शी क्षणहरू डकुमेन्टेड गरेर सामाजिक सञ्जाल विशेष गरी टिकटकमा लोकप्रिय थिए ।

समर्थकरूले पनि उनीहरूको जोडीलाई ‘नाटकरहित’ उत्कृष्ट जोडीको संज्ञा दिएका थिए । र, त्यो क्रम अक्टोबर २१ सम्म निरन्तर चलेको थियो, जबसम्म एना मृत फेला परिनन् ।

२९ वर्षीय अली भने गत महिना दुई जनाको हत्याको अभियोगमा सान डिएगो सेन्ट्रल जेलम चलान भएका थिए । अली अनलाइनमा देखिने व्यक्तित्वभन्दा विलकुल फरक रहेको र एकदमै जासुसी स्वभावका भएको बताएको छन् ।

उनीविरुद्घ मुद्दा चलाउने व्यक्तिले टिकटक स्टार अलीले सम्बन्ध विच्छेद गर्ने योजनामा रहेकी आफ्नी श्रीमतीलाई एकदमै दबाएर राखेको र उनको जासुसी गर्न छोरीको ट्याबलेटमा अडियो सुन्ने स्पाइ डिभाइसमेत इन्स्टल गरेको बताएका थिए ।

त्यसै डिभाइसको माध्यमबाट एनालाई अर्को पुरुषसँग भेटको अवस्थामा फेला पारी गोली हानी हत्या गरेको उनको परिवारले दाबी गरेको थियो ।

यो घटनापछि उनीहरूका समर्थकहरूलाई विश्वास मान्ने गाह्रो भएको थियो । किनभने, उनीहरूको सामाजिक सञ्जालमा झल्किने जीवनशैलीमा त्यस्तो आशंका हुने कुनै स्थान देखिँदैन थियो ।