हेटौंडामा रुपन्देही व्यवसायीको स्वागत
अखबार हब
मकवानपुर । हेटौंडाका व्यवसायीहरुले रुपन्देही जिल्लाका व्यवसायीलाई आइतबार एक कार्यक्रमबीच स्वागत गरेका छन् ।
रुपन्देही जिल्लामा क्रियाशिल देवदह व्यापार संघको औद्योगिक क्षेत्रको अध्ययन अवलोकन भ्रमणमा आएका १५ व्यवसायीहरुको टोलीलाई नेपाल चेम्बर अफ कमर्स मकवानपुले स्वागत गरेका हो ।
कार्यक्रममा देवदह व्यापार संघका अध्यक्ष कोशबहादुर गुरुङले आफ्नो कार्यकालको अन्तिम समयमा कार्यसमितिलाई साना घरेलु उद्योग स्थापनमा सहयोग पुगोस् भनेर औद्योगिक क्षेत्रको अध्ययन अवलोकन भ्रमण निस्केको बताए । १० दिने भ्रमण अवधिकामा बुटवल, हेटौंडा, धरान, जनकपुर र बिराटनरमा रहेका उद्योगहरु भ्रमण गर्ने गुरुङले बताए ।
चेम्बर अफ कमर्स हेटौंडाका अध्यक्ष माधव न्यौपानेले भ्रमण टोलीलाई स्वागत गर्दै औद्योगिक क्षेत्रमा रहेका साना घरेलु उद्योगहरुको भ्रमणमा सहजीकरण गरिदिने बताए । भ्रमण टोलीलाई औद्योगिक क्षेत्रका उद्योगहरुमा भ्रमण गराइएको थियो ।
