आफूखुसी बिदा दिँदै मकवानपुरगढी गाउँपालिका
अखबार हब
मकवानपुर । मकवानपुरगढी गाउँपालिकाले सार्वजनिक बिदा घोषणा गरेर सर्वसाधारणको सेवा पाउने अधिकार कुन्ठित गरेको छ ।
गाउँपालिकाले पालिकालाई बालमैत्री स्थानीय शासनयुक्त गाउँपालिका घोषणा गरेको भन्दै आइतबार सार्वजनिक बिदा दिने निर्णय गरेको हो । यस्तो निर्णय गरेर गाउँपालिकाले सर्वसाधारणको सेवा पाउने अधिकार कुन्ठित गरेको प्रष्ट भएको छ ।
शनिबार बालमैत्री घोषणा गरेको पालिकाले भोलिपल्ट अर्थात् आइतबार सार्वजनिक बिदा घोषणा गर्नुलाई गाउँपालिकाको एक्लौटी निर्णय भएको भन्दै आवाजसमेत उठ्न थालेको छ ।
जथाभावी बिदा दिने निर्णयको सर्वसाधारणले विरोध जनाएका छन् ।
गाउँपालिकाका प्रमुख प्रशासकिय अधिकृत रामकृष्ण पुडासैनीद्वारा हस्ताक्षर गरिएको सूचनामा गाउँपालिका क्षेत्रमा रहेका सरकारी तथा गैरसरकारीलाई लागु हुनेगरी सार्वजनिक बिदा दिने निर्णय भएको उल्लेख गरिएको छ ।
पछिल्लो समय विभिन्न बाहनामा स्थानीय सरकारले बिदा दिएको भन्दै विरोध समेत हुँदै आएको छ ।
गाउँपालिकाले जारी गरेको सूचना
