आफ्नो स्थापना दिवसको अवसरमा महिला एकताले गर्यो जनप्रतिनिधिलाई सम्मान
अखबार हब२०७९ श्रावण २१, शनिबार १८:४५
मकवानपुर । मकवानपुरको भीमफेदी गाउँपालिका वडा नं –२ स्थित महिला एकता बचत तथा ऋण सहकारी संस्था लिमिटेडले आफ्नो स्थापना दिवस मनाएको छ ।
शुक्रवार भीमफेदी गाउँपालिकाका नवनिर्वाचित जनप्रतिनिधिहरूलाई सम्मान गर्दै सहकारीले आफ्नो २४ औँ स्थापना दिवस मनाएको हो ।
सहकारीले भीमफेदी गाउँपालिकाको अध्यक्ष हिदम लामा, उपाध्यक्ष सञ्जीव श्रेष्ठ, भीमफेदी– १ का वडाध्यक्ष सोमबहादुर स्याङ्तान र वडा नं –२ का अध्यक्ष काशिराम बज्यूलाई बधाई तथा सम्मान पत्र हस्तान्तरण गरि आफ्नो २४ औँ स्थापना दिवस मनाएको संस्थाकी व्यवस्थापक सर्मिला ढुङ्गानाले बताइन् ।
संस्थाकी अध्यक्ष सर्मिला महतको सभाध्यक्षतामा भएको कार्यक्रममा पालिका अध्यक्ष लामाको प्रमुख आतिथ्यता रहेको थियो । साथै कार्यक्रममा शेयर सदस्य तथा व्यवस्थापन समिति र कर्मचारीहरूको सहभागिता रहेको थियो ।
