एसईईमा उत्कृष्ट भएका १७१ जना विद्यार्थीलाई प्याब्सन मकवानपुरको सम्मान
अखबार हब
मकवानपुर । माध्यामिक शिक्षा परिक्षा (एसईई) मा उत्कृष्ट नतिजा हासिल गरेका मकवानपुरका १७१ जना विद्यार्थीलाई सम्मान गरिएको छ ।
बिहिबार निजी तथा आवासीय विद्यालय अर्गनाइजेशन (प्याब्सन) मकवानपुरले एसईई परिक्षामा उत्कृष्ट नतिजा हासिल गरेका विद्यार्थीलाई सम्मान गरेको हो ।
उत्कृष्ट हुने विद्यार्थीलाई हेटौंडा उपमहानगरपालिकाकी प्रमुख मिना कुमारी लामा, प्याब्सन मकवानपुरका अध्यक्ष बिनोद सुवेदी लगायतकाले सम्मान गरेका हुन् ।
कार्यक्रममा राष्ट्रिय परिक्षा बोर्ड हेटौंडाका प्रमुख कृष्ण प्रसाद घिमिरे, शिक्षा विकास तथा समन्वय इकाइ मकवानपुरका प्रमुख दिनानाथ गौतम, प्ययाब्सन बागमती प्रदेशका अध्यक्ष केशबलाल श्रेष्ठ, नेपाल पत्रकार महासंघ बागमती प्रदेशका संस्थापक अध्यक्ष प्रताप विष्ठ, संस्थागत विद्यालय अभिभावकसंघ मकवानपुरका अध्यक्ष रमिला सापकोटा, नेपाल राष्ट्रिय शिक्षक संगठन मकवानपुरका अध्यक्ष श्रीराम दाहाल, निजी विद्यालय सञ्चालक राजन थापा लगायतकाको आतिथ्यता रहेको थियो ।
प्याब्सनका अध्यक्ष बिनोद सुवेदीको अध्यक्षतामा भएको कार्यक्रममा मकवानपुरका बिभीन्न बिद्यालयका बिद्यार्थी तथा अभिभावकहरुको सहभागिता रहेको थियो ।
