गिरिबन्धु टी स्टेटको जग्गाका विषयमा छानविन गर्न जरुरी छैन : अध्यक्ष ओली
अखबार हब
काठमाडौं । नेकपा एमालेका अध्यक्ष केपी शर्मा ओलीले झापाको गिरिबन्धु टी स्टेटको जग्गाका विषयमा छानविन गर्न जरुरी नभएको बताएका छन् ।
बुधबार संसदभवनबाट बाहिरिदै गर्दा सञ्चारकर्मीसँग कुरा गर्दै अध्यक्ष ओलीले गिरिबन्धु टी स्टेटको करिब २८० बिगाहा जग्गा सट्टापट्टा गर्ने तत्कालीन सरकारको निर्णय र त्यसैलाई अहिले कानून बनाएको भन्दै छानबिन गर्न जरुरी नभएको बताए । तर गर्न मन लागे छानविन गर्न सुझाव उनले दिए ।
उनले भने ‘ झापाको चिया बगानमा सहमति छ । अनियमितता कहाँबाट केको लागि । बिना कारण जग्गा दिएको होइन, त्यो सत्ताले त्यतिबेला गरेको र अहिले त्यसैको आधारमा कानून बनाईदिएका छौं । अरु केहि होईन । छानबीन जरुरी छैन् तर गर्न मन लागे गरे हुन्छ । ’
अध्यक्ष ओलीले आफूलाई स्तरहीन मान्छेहरुले सुन तस्करी प्रकरणमा जोड्ने प्रयास गरेको भन्दै भने,त्यसताखालका स्तरहिन मानिससँग जोडेर मलाई प्रश्न नगर्नुहोस् ।
अ
ध्यक्ष ओलीले सुन तस्करी सधैँका लागि अन्त्य गर्न र निष्पक्ष छानबिन गर्न सरकार तयार नभएकै कारण लामो समय सदन अवरुद्ध भए पनि अन्ततः सम्झौता गर्नुपरेको बताए ।
