रास्वपा मनहरीको प्रथम गाउँ भेला सम्पन्न
अखबार हब
मकवानपुर । राष्ट्रिय स्वतन्त्र पार्टी(रास्वपा)को प्रथम मनहरी गाउँपालिका कमिटी भेला सम्पन्न भएको छ ।
शुक्रबार मनहरी–९ रजैयामा पार्टीको प्रथम मनहरी गाउँपालिका भेला सम्पन्न भएको हो ।
भेलाका प्रमुख अतिथिसमेत रहेका रास्वपा मकवानपुर सभापतिले बिगतका बर्षहरुमा पुराना राजनितिक दलले जनता झुक्याउन सफल भएपनि अब नसक्ने बताएका छन् ।
जनतालाई कसैले झुक्याउने प्रयास गरेमा आगामी निर्वाचनमा खरानी हुनु पर्ने उनको भनाइ छ । वडा वडामा भएका बस्तुगत यथार्थ जनतालाई प्रष्ट पार्दै अघि बढ्नुपर्ने बताउदै वडा सभापतिहरुलाई आफ्ना क्षेत्रमा भएका विकास निमार्ण र सरकारी निकायमा भएका अनियमितता, व्यथिति विरुद्ध गहिरो अध्ययन गर्दै आवाज बुलन्द पार्न निर्देशन दिएका छन् ।
पार्टी मनहरी गाउँपालिका कमिटी सभापति गोविन्द सापकोटाको अध्यक्षतामा भएको भेलामा मकवानपुर क्षेत्र नम्बर १ का सभापति टाकाराज थापा(सुरेश) र मकवानपुर क्षेत्र नम्बर २ का सभापति संजिव पाठकको विशेष आतिथ्यता रहेको थियो भने पार्टी जिल्ला सदस्य राधिका सामरी पाण्डे, बागमती प्रदेश रÞ्याट उपसभापति नीराजन बर्तौला, मनहरी गाउँपालिका पार्टी सचिव सागर जिम्बा, मनहरी–१ का सभापति रामकुमार उप्रेती लगायतको उपस्थिति रहेको थियो ।
