मनहरीमा नेकपा(एस)को वडा कमिटीनै एमाले प्रवेश
अखबार हब
मकवानपुर। मकवानपुरको मनहरी –९ को नेकपा (एकिकृत समाजवादी)को वडा कमिटीनै नेकपा (एमाले) प्रवेश गरेको छ ।
आज एमाले मनहरी गाउँपालिका कमिटीको आयोजनामा दशै, तिहार, नेपाल सम्वत र छट पर्बका अवसरमा आज आयोजित शुभकामना आदान प्रदान तथा चियापान कार्यक्रम र पार्टी पुनर मिलन कार्यक्रमका अवसरमा वडा कमिटीका सबै पदाधिकारी र सदस्यहरु एमालेमा प्रवेश गरेका हुन् ।
एमालेमा नेकपा एस जिल्ला सदस्य तथा पूर्व वडा अध्यक्ष साधुराम अधिकारी, नेकपा एसका ज़िल्ला सदस्य मानबहादुर स्याङतान, रामचंद्र सूबेदी, युबा संघ मनाहरी अध्यक्ष कृष्ण चन्द्र पुरी सहित डेढ दर्जन जना भन्दा बडी एमालेमा प्रवेश गरेको एमाले मनहरीका अध्यक्ष नविन सुवेदीले जानकारी दिए ।
कार्यक्रममा नेकपा एमालेका नेता तथा बागमती प्रदेशका प्रथम मुख्यमन्त्री डोरमणि पौडेल, एमालेका प्रदेश कमिटीका सदस्यहरु रघुनाथ खुलाल, एकराज उप्रेती, बद्री लंसाल, एमाले नेता अनन्त पौडेल, एमाले मकवानपुरका अध्यक्ष एकालाल श्रेष्ठ, एमाले मकवानपुरका नेताहरु मदन कुमार दाहाल, दिपक खड्का, सन्तोष चौलागाई लगायतकाको आतिथ्यता रहेको थियो ।
