एमाले मकवानपुरमा अधिवेशनको तयारी तिब्र, उद्घाटन अध्यक्ष ओलीले गर्ने
अखबार हब
हेटौंडा । नेपाल कम्युनिष्ट पाटी (एमाले) मकवानपुरको चुनावी तयारी तिब्र रुपमा भइरहेको छ । यही जेठ १८ र १९ गते हेटौंडामा हुने १२ औं अधिवेशनको तयारी व्यापक भइरहेको हो ।
अधिवेसनको उद्घाटन् नेकपा एमालेका अध्यक्ष केपी शर्मा ओलीले गर्ने आयोजकले जनाएको छ । अधिवेशनबाट नयाँ नेतृत्व समेत चयन हुने भएपछी विभिन्न पदमा उम्मेदवारका आकांक्षि पनि उत्तिकै रहेका छन् ।
एमाले मकवानपुरको अधिवेशनका लागि अध्यक्षको चर्चामा रघुनाथ खुलाल, श्रीधर पोख्रेल, ईन्द्रमान स्याङ्तान, धुर्व प्रसाद चौलागाई, देबराज रिमाल र लालबहादुर थापा रहेका छन् । अधिवेशनको दिन सम्म अध्यक्षका उम्मेदवार घट्ने संभावना धेरै रहेको छ ।
यसैगरी एमाले मकवानपुरको आगामी कार्यकालको उपाध्यक्ष पदका लागि नविन सिग्देल, हिदम लामा, सुनिल मुक्तान, पार्वती रानाको चर्चा छ । यसैगरी सचिब पदमा मदन कुमार दाहाल, सुमित्रा काफ्ले लगायतकाको चर्चा रहेको पाइएको छ ।
एमाले मकवानपुरको उपसचिब पदमा सिता विष्ट, खेम जर्गा मगर, दिपक खड्का, जुना दाहाल, आरती पाठक, रमिला सापकोटा, इन्द्र प्रसाद नेपाल, सन्तोष चौलागाईं लगायतकाको चर्चा रहेको छ । एमाले मकवानपुरको अधिवेसनबाट १०५ सदस्य कार्यसमिति चयन गरिने भएको छ । अरु केही पछी मनोनित गरिने छ ।
