एमाले मकवानपुरको अधिवेशन जेष्ठ १८ र १९ गते, उद्घाटन अध्यक्ष ओलीले गर्ने
अखबार हब
हेटौंडा । नेकपा एमाले मकवानपुरको जिल्ला अधिवेशन जेष्ठ १८ र १९ गते हुने भएको छ । हेटौंडामा हुने एमाले मकवानपुरको १२ औं अधिवेशनको उद्घाटन पार्टीका अध्यक्ष केपी शर्मा ओलीले गर्ने भएका छन् ।
अधिवेशनको उद्घाटन जेठ १८ गते अध्यक्ष ओलीबाट हुने र विशिष्ट अतिथिहरुमा पार्टीका केन्द्रीय नेताहरु रहने मंगलबार पत्रकार सम्मेलन मार्फत जानकरी दिएको हो ।जिल्लाका दश वटै पालिकाबाट प्रतिनिधी, पर्यवेक्षक र विभिन्न क्षेत्रसंग सम्बन्धित महानुभाव, पार्टीको जनवर्गीय संगठनहरुबाट सहभागीता रहने एमाले मकवानपुर जिल्ला सम्मेलन आयोजक कमिटीले जनाएको छ । जिल्लाका ११ हजार ६ सय ८४ जना पार्टी सदस्यहरुबाट अधिवेशनको लागि प्रतिनिधि चयन गरिएको एमाले मकवानपुरका अध्यक्ष एकालाल श्रेष्ठले जानकारी दिए ।
सम्मेलनलाई सफल गराउन दुई सय जना स्वयंसेवक परिचालन गरिने र १२ वटा समितिहरु बनाई सम्पुर्ण तयारीको काम भईरहेको जनाएको छ । मजदुर, पेशागत जनसंगठन, जेष्ठ कम्युनिष्ट मञ्च, सल्लाहाकार परिषद् समेतबाट छानिएर ७ सय ६९ प्रतिनिधीहरुले सहभागीता जनाउने र अबिधेशनको बन्द सत्रवाट भाबी नेतृत्व समेत चयन हुने श्रेष्ठले बताए ।
त्यसैगरि उद्घाटनको अघिल्लो दिन हेटौंडा उपमहानगरक्षेत्रमा भव्य मोटरसाईकल ऱ्यालीको आयोजना गरिने जनाएको छ ।
