एमाले मकवानपुरको अध्यक्षमा पोखरेल विजयी
अखबार हब
मकवानपुर । नेकपा (एमाले) मकवानपुर अध्यक्षमा श्रीधर पोखरेल विजयी भएका छन् । उनले आफ्ना निकटतम प्रतिद्वन्द्वी इन्द्रमान स्याङतानलाई ५१ मत अन्तरले पराजित गर्दै अध्यक्षमा विजयी भएका हुन् ।
पोखरेलले ३१३ र पराजित भएका स्याङतानले २६२ मत प्राप्त गरेका छन् । अध्यक्षका अर्का उम्मेदवार लालबहादुर थापाले १६६ र देवराज रिमालले ११ मत प्राप्त गरेर पराजित भएका छन् ।
त्यस्तै उपाध्यक्षमा हिदम लामा २७९ मतान्तरले विजयी भएका छन् । विजयी लामाले ४७६ मत पाउँदा उनका निकटतम प्रतिद्वन्द्वी सुनिल मोक्तानले १९७ मत प्राप्त गरेका छन् । उपाध्यक्षकै उम्मेदवार भरत दुलालले ८० र धुब्र चौलागाईले ३६ मत प्राप्त गरेका छन्ग ।
सचिवमा सिता बिष्ट २९७ मत ल्याएर विजयी हुनु निकटतम प्रतिद्वन्द्वी मदन दाहालले २५५ मत प्राप्त गरेर पराजित भएका छन् । सचिवकै अर्का उम्मेदवार राजन थापाले १७१ मत प्राप्त गरे ।
उपसचिव (खुलातर्फ) फुर्वा लामा २४१ मत पाएर विजयी भए भने उनका निकटतम प्रतिदोन्दि दिपक खड्काले १६२ मत प्राप्त गरे । यस्तै, उपसचिवकै उम्मेदवार ईन्द्र नेपालले १२९, खेम जर्गा मगरले १०० र कृष्ण प्रसाद चौलागाईंले ८६ मत प्राप्त गरेका छन् ।
उपसचिव (महिला) मा आरति पाठक २४१ मत पाएर विजयी हुँदा उनका प्रतिद्वन्द्वी पार्बती रानाले १७२, कल्पना बलामीले १५६ र जुना दाहालले १५२ मत पाएका छन् ।
एमाले मकवानपुरको नयाँ नेतृत्व चयनका लागि १२औं अधिवेशन अन्तरगत आईतबार निर्वाचन भएको थियो । कुल ७७७ प्रतिनिधि मध्ये निर्वाचनमा ७६५ मत खसेको थियो । सदस्यको मत गणना अझै बाँकी रहेको निर्वाचन समितिले जनाएको छ ।
