मनहरीका वडाध्यक्ष खनाल कक्षा १२ को परीक्षामा उत्तीर्ण
अखबार हब२०८१ श्रावण १८, शुक्रबार १९:४७
हेटौंडा । मकवानपुरको मनहरी गाउँपालिका वडा नं १ का वडाध्यक्ष शिवप्रसाद खनाल कक्षा १२ को परीक्षामा उत्तीर्ण भएका छन् । ५२ वर्षको उमेरमा कक्षा १२ को परीक्षा दिएका वडाअध्यक्ष खनाल पनि उत्तीर्ण भएका हुन् ।
पढाइलाई उमेरले छेक्दैन भन्ने उदाहरणलाई स्थापित गर्दै उनले जीवनको यो उमेरमा पढाइलाई निरन्तरता दिएका थिए ।
आफ्नो छोराछोरीको उमेरका बालबालिकाहरुसँगै पठनपाठन गर्दै उनी कक्षा १२ को परीक्षामा सहभागी थिए । उनले २.४१ जीपीए प्राप्त गरेका छन् । यसभन्दा अगिल्लो वर्ष कक्षा ११ को परीक्षामा पनि २.५३ जीपीए प्राप्त गरी उनी उत्तीर्ण भएका थिए । राष्टिय परिक्षा बोर्डले शुक्रबार कक्षा १२ को नतिजा सार्वजनिक गरेको थियो ।
