सिस्नेरीमा सुमो दुर्घटना हुँदा १० जना घाइते, ३ को अवस्था गम्भीर
अखबार हब२०८१ श्रावण १९, शनिबार ०९:४५
हेटौंडा। मकवानपुरको सिस्नेरीमा यात्रुबाहक सुमो दुर्घटना हुँदा १० जना घाइते भएका छन् ।
शनिबार बिहान काठमाडौंबाट वीरगञ्ज जाँदै गरेको मधेश प्रदेश ०३-००१ ज ०३६२ नम्बरको सुमो इन्द्रसरोवर गाउँपालिका-३ सिस्नेरीमा दुर्घटना भएको जिल्ला प्रहरी कार्यालय मकवानपुरले जानकारी दिएको छ ।
कार्यालयका प्रवक्ता डिएसपी लक्ष्मी भण्डारीकाअनुसार सुमो आफै अनियन्त्रित भई सडकको नालामा पल्टिएको हो । दुर्घटनामा सुमो चालकसहित १० जना घाइते मध्ये ३ जनाको अवस्था गम्भीर रहेको डिएसपी भण्डारीले बताएका छन् ।
घाइतेहरुलाई उपचारको लागि काठमाडौं पठाइएको प्रहरीले जनाएको छ ।
