सिटी कलेजका कानून संकायका विद्यार्थी जिल्लामै उत्कृष्ट
अखबार हब
हेटौंडा । प्रविणतातह अन्तर्गत कानून संकायको परिक्षामा हेटौंडाको सिटी कलेजका विद्यार्थीले जिल्लामा उत्कृष्ट नतिजा ल्याएका छन् ।
कलेजमा अध्ययनरत विद्यार्थी मधुमित्ता यादवले ३.६६ जिपिए अंक ल्याएर जिल्लामै उत्कृष्ट भएकी छिन् ।
कलेजले शतप्रतिशत विद्यार्थी उर्तिण गराउन सफल भएको खुसियालीमा सोमबार हेटौंडाबजार परिक्रमा गरेको छ । कलेजबाट निस्किएको प्रभातफेरी बजारका विभिन्न मुख्यचोकहरुमा पुगेको थियो ।
२०७९ देखी कक्षा ११ र १२ मा अंग्रेजी माध्यमबाट कानून संकाय सञ्चालन गरिएको कलेजका प्रशासन प्रमुख सुमन्त सिलवालले बताए । ‘पहिलो वर्षमै हामीले १० जनालाई अध्यापन गराएका थियौँ, जिल्ला उत्कृष्ट हुनुका साथै शतप्रतिशत नतिजा समेत निकाल्न सफल भयौं, प्रमुख सिलवालले भने ।’ एक विद्यार्थीको ए प्लस आएको छ भने दुई विद्यार्थीले ए ग्रेड ल्याएको उनले बताए ।
जेनिथ मकवानपुरमा अंग्रेजी माध्यमबाट कानून अध्यापन गराउने एक मात्र कलेज हो ।
