वातावरण संरक्षणमा सबै मिलेर लाग्नु पर्नेमा मुख्यमन्त्री लामाको जोड
अखबार हब
हेटौंडा । बागमती प्रदेशको मुख्यमन्त्री बहादुर सिंह लामाले मानव र वातावरण विच निकै घनिष्ठ सबन्ध रहेकोले बातवरण संरक्षणमा सबै मिलेर लाग्नु पर्ने बताएका छन ।
मङ्गलवार प्रदेशको वन तथा वातावरण मन्त्रालयको आयोजनामा हेटौंडा उपमहानगरपालिका – ९ स्थित दिव्य बाल उद्यान बेतखोलसमा भएको वृक्षारोपण कार्यक्रमलाई सम्बोधन गर्दे मुख्यमन्त्री लामाले पछिल्लो समय वन जङ्गल विनाश हुने क्रम दिनप्रति दिन बढ्नाले मानवलाई प्रत्यक्ष असर गरिरहेको बताउँदै त्यसको संरक्षणमा सबै एकजुट भएर लाग्नुपर्ने बताएका हुन । उनले पछिल्लो समय अव्यवस्थित बसोबास ,जंगलको भू–माग अतिक्रमण,लगायत कुराहरूले वातावरणलाई प्रत्यक्ष असर गरिरहेको छ भने अर्कोतर्फ त्यसको प्रत्यक्ष असर मानव जातीले भोग्नु परेको बताए ।
यसैगरी कार्यक्रममा प्रदेशका वन तथा वातावरण मन्त्रालयका मन्त्री कृष्ण प्रसाद सिलवालले लामो समयपछि प्राप्त सङ्घीयता सहितको संविधान समावेशी रहेको बताए ।
प्रदेश सरकारले संविधान दिवस तथा राष्ट्रिय दिवस,२०८१ भव्यताका साथ मनाउने सन्दर्भमा मुख्यमन्त्री लामाको अध्यक्षतामा गत १८ गते बसेको बैठकको ३ दिन मनाउने निर्णय गरेको थियो । सोही अनुसार पहिलो दिन वृक्षारोपण र खेलकुदको कार्यक्रम भएको हो । वृक्षारोपण कार्यक्रममा प्रदेशका मन्त्रीहरू,सचिव,कर्मचारीहरूलगायतको स्थानिय जनप्रतिनिहरुको अतिथ्यता रहेको थियो ।
