हेटाैंडाकाे संगमचाेकमा आज शिव ताण्डब देखाइने
अखबार हब२०८१ आश्विन २३, बुधबार ०९:०५
हेटाैंडा । हेटाैंडा उपमहानगरपालिका-२ स्थित संगमचाेकमा आज शिव ताण्डव नृत्य देखाइने भएकाे छ ।
संगमचाेकमा दुर्गा भवानीकाे पूजाआजा चलिरहेकाे छ । विजया दशमीकाे अबसरमा दुर्गा पूजा समाराेह समिति, हेटाैंडा-२ संगमचाेकले यहाँ हरेक वर्ष दुर्गा पूजा सम्बन्धि कार्यक्रम गर्दै आएकाे आयाेजक समितिका चन्द्र शाहीले जानकारी दिए ।
आज साँझ ६ बजे झाँकी कलाकार मनहरी गाउँपालिका-१ मकरी निवासी श्यामसुन्दर बुर्लाकाेटीले शिव ताण्डब देखाउने छन् ।
उनले श्रीभद्भागतका नेपालका चर्चित कथा वाचक दिनबन्धु पाेख्रेलकाे सप्ताहमा पनि शिव ताण्डब देखाइसकेका छन् ।
कलाकार बुर्लाकाेटीले २०७४ देखि हालसम्म १०० भन्दा माथि कार्यक्रममा शिव ताण्डब देखाइसकेकाे जानकारी दिए । उनले आफ्नाे शरीर र मुखमा अग्नि कला देखाउँदै नृत्य प्रस्तुत गर्ने बताए ।
