हेटौंडाबाट २ किलो १९६ ग्राम अबैध चाँदीसहित भारतीय पक्राउ
अखबार हब२०८१ कार्तिक १२, सोमबार २२:०३
हेटौंडा । प्रहरीले २ किलो १९६ ग्राम अबैध चाँदीसहित एकजनालाई नियन्त्रणमा लिएको छ ।
गएराति बेलुकि अन्दाजि ११ बजेको समयमा बिशेष सुचनाको आधारमा प्रहरी चौकी रातोमाटे मकवानपुरबाट खटिएको प्रहरी टोलिले हेटौंडा –१५ रातोमाटे स्थित पथलैयाबाट हेटौंडातर्फ आउँदै गरेको ना ६ ख ७२६२ नम्बरको यात्रुबाहक बसलाई रोकी चेकजाँच गर्ने क्रममा उक्त चाँदि बरामद गरेको हो ।
प्रहरीका अनुसार उक्त बसमा सवार भारतीय नागरिक ४८ वर्षीय मनोज कुमार झाको साथबाट लुकाई छिपाई गरी ल्याईएको अवस्थामा ३२ थान चाँदीको मुर्तीहरु फेला पारिएको हो ।
मूर्तिहरुको तौल २ किलो १९६ ग्राम रहेको र आजको बजार मुल्य अनुसार ३ लाख ६६ हजार ५ सय ४९ रुपैँया रहेको प्रहरीले जनाएको छ ।
पक्राउ परेका झालाई नियन्त्रणमा लिई थप अनुसन्धान तथा कारबाहिको लागि राजश्व अनुसन्धान कार्यालय पथलैया बारा पठाईएको प्रहरीले जनाएको छ ।
