भिरबाट लडेर राक्सिराङका ८१ बर्षिया वृद्धको मृत्यु
अखबार हब२०८१ कार्तिक २६, सोमबार १८:५२
हेटौंडा । मकवानपुरमा भिरबाट लडेर एक वृद्धको मृत्यु भएको छ ।
जिल्लाको राक्सिराङ गाउँपालिका वडा नम्बर ८ रातोडाँडाका ८१ बर्षिया सिंह बहादुर ब्लोनको भिरबाट लडि मृत्यु भएको हो ।
सोमबार बिहानको समयमा घर नजिकको जंगलमा घासँ काट्ने क्रममा खुट्टा चिप्लिएर भिरबाट ८० मिटर तल खसि मृत्यु भएको मकवानपुरका प्रहरी नायव उपरीक्षक श्यामु अर्यालले जानकारी दिए ।
घाइते अवस्थामा स्थानीयले फेला पारेका ब्लोनको घरमा ल्याई उपचारका लागि हेटौंडा अस्पताल पठाउने तयारी गरिरहदा घरमै मृत्यु भएको प्रहरी नायव उपरीक्षक अर्याले बताए । शव पोष्टमार्टमको लागि हेटौंडा अस्पतालमा राखिएको छ ।
