बिपी काङ्ग्रेसका सभापतिसहित चार जना एमाले प्रवेश
अखबार हब२०८१ मंसिर ३, सोमबार १७:२६
हेटौंडा । मकवानपुरमा विभिन्न पार्टी परित्याग गरी चार जना नेकपा एमालेमा प्रवेश गरेका छन् ।
नेपाली काङ्ग्रेस (बिपी) का जिल्ला सभापति रमेश ढकालसहित नेकपा माओवादीका नेता नारायण ढकाल, नेकपा एकीकृत समाजवादीका सानुभाई विश्वकर्मा तथा विनोद रिजाल पार्टी परित्याग गरेर एमालेमा प्रवेश गरेको एमालेका प्रचार विभाग प्रमुख उज्वल चौलागाईंले जानकारी दिए ।
नवप्रवेशीहरुलाई सोमबार एक कार्यक्रमका बिच नेकपा एमाले जिल्ला इन्चार्ज रामेश्वर राना, नेकपा एमाले मकवानपुरका अध्यक्ष श्रीधर पोखरेल लगाएतका नेताहरुले नेकपा एमाले मकवानपुर पार्टी कार्यालयमा स्वागत गरेका हुन् ।
