लागुऔषध गाँजासहित हेटौंडाबाट २ जना पक्राउ
अखबार हब२०८१ मंसिर ११, मंगलवार १३:४४
मकवानपुर । मकवानपुर प्रहरीले लागुऔषध गाँजासहित २ जनालाई पक्राउ गरेको छ ।
इलाका प्रहरी कार्यालय नेवारपानी मकवानपुरबाट खटेको प्रहरी टोलीले हेटौंडा १९ तिनताप्के स्थित लोकमार्ग सडक खण्डबाट लागुऔषध गाँजासहित २ जनालाई नियन्त्रमा लिएको हो ।
सोमबार दिउँसो १२: ३० बजेको समयमा मनहरीबाट हेटौंडा तर्फ आउँदै गरेको प्रदेश ०१-०२४ च ३०५९ नं. को पिकअप गाडीलाई रोकी चेकजाँच गर्ने क्रममा चालक बस्ने सिट मुनिलुकाई ल्याएको ७१ किलो ७ सय ग्राम लागूऔषध गाँजा फेला परेको मकवानपुरका प्रहरी नायव उपरिक्षक श्यामु अर्यालले जानकारी दिए ।
प्रकाउ पर्नेहरुमा राक्सिराङ गाउँपालिका वडा नम्बर ९ बर्ष २० का गाडि चालक मिलन घलान र गाडीमा सवार सोहि स्थान बस्ने बर्ष २६ को दावा थिङ रहेको प्रहरी नायव उपरिक्षक अर्यालले बताए ।
