हेटौंडामा चल्यो गोली, एक जना पक्राउ
अखबार हब२०८१ पुष ११, बिहीबार १३:३१
हेटौंडा । हेटौंडा उपमहानगरपालिका वडा नम्बर ८ स्थित कालिकाटोलमा गोली चलेको छ ।
मकवानपुर प्रहरीका अनुसार बिहीवार चितवन राष्ट्रिय निकुञ्जबाट आएको नेपाली सेनाको टोलीले गैंडा तस्करीको आशंकामा एकजनालाई पक्राउ गर्ने क्रममा हवाई फायर गरेको हो ।
पक्राउ गरिएका व्यक्तिलाई नेपाली सेनाको टोलिले लिएर गएको जिल्ला प्रहरी कार्यालयका निमित्त प्रवक्ता प्रहरी निरीक्षक ठाकुरप्रसाद सापकोटाले जानकारी दिए ।
यस बिषयमा थप जानकारी आइनसकेको प्रहरीले जनाएको छ । गोली चलेपछि प्रहरी टोली घटनास्थल पुगेको थियो । स्थानीयका अनुसार सरकारी नम्बर प्लेटको गाडीका आएका समूहले ३ राउन्ड गोली चलाएको र गोली चलेपछि स्थानीय त्रसित बनेका थिए।
