बाघको आक्रमणबाट मनहरीमा एक वृद्धाको मृत्यु
अखबार हब२०८१ पुष १५, सोमबार ०८:०५
हेटौंडा । मकवानपुरको मनहरीमा बाघको आक्रमणबाट एकजना वृद्धाको मृत्यु भएको छ ।
मनहरी गाउँपालिका ५ बसन्तपुरमा आइतबार साँझ बाघले एक बृद्धालाई मारेको हो । घाँस काट्न बारीको छेउमा गएकी ७२ बर्षीया कान्छीमाया रुम्बा बाघको आक्रमणबाट मृत्यु भएको हो ।
घाँस काट्न गएको लामो समयसम्म पनि नफर्केपछि खोज्ने क्रममा गएका युवाहरुले कान्छीमायाँ भागेकोजस्तो देखेपछि पछ्याउने क्रममा शव भेटिएको स्थानीयले बताएका छन् ।
शवको टाउको तथा शरिरका विभिन्न भागको मासु बाघले लुछेको अबस्थामा भेटिएको मकवानपुर प्रहरीले जनाएको छ ।
