मनहरीमा फेरि आयो बाघ, स्थानीय आतंकीत
अखबार हब२०८१ पुष २०, शनिबार २०:५४
हेटौंडा । मकवानपुरको मनहरीमा बाघ देखिएको छ ।
नरभक्षी बाघ नियन्त्रणमा लिएको हप्तादिन नपुग्दै आज राती ८ बजेको समयमा मकवानपुरको मनहरी गाउँपालिका वडा नम्बर १ ज्यामिरे खोलामा अर्को बाघ देखिएको हो ।
शनिबार रातको ८ बजे ज्यामिरे खोलामा बाघ देखिएको मनहरी १ का वडा अध्यक्ष शिवप्रसाद खनालले जानकारी दिए । बस्ती नजिकको खोलामा बाघ देखिएसँगै स्थानीय त्रसित भएको वडाध्यक्ष खनालले बताए ।
गत आईतवार साँझ घाँस काट्ने क्रममा मनहरी ५ कि कान्छीमाया रुम्बालाई घरछेवैमा मारेको र सोही रात अन्य ७ वटा बाख्रालाई खोरमै मारेर भागेको बाघ सिकार खोज्दै पुनः गाउँ फर्कने क्रममा डार्ट गरेर नियन्त्रणमा लिइएको थियो ।
