लागुऔषध गाँजासहित राक्सिराङका थोक्रा पक्राउ
अखबार हब२०८१ पुष २१, आईतवार १७:०४
हेटौंडा । मकवानपुरको मनहरी गाउँपालिका वडा नम्बर ८ सिम्पानीबाट लागुऔषध गाँजासहित एक जना पक्राउ परेको छ ।
मकवानपुर प्रहरीले मनहरीको सिम्पानी देवकोट सामुदायिक वन स्थित देवकोटा क्षेत्रबाट शनिबार दिनको ३ बजेको समयमा ५ केजि लागुऔषध गाँजासहित पक्राउ गरेको हो ।
सिम्पानी देवकोट सामुदायिक वन स्थित देवकोटबाट सिम्पानीतर्फ पैदल हिडिरहेको अवस्थामा राक्सिराङ गाउँपालिका वडा नम्बर ३ पलासे बस्ने २२ बर्षिय प्रदीप थोक्रालाइ लागुऔषध गाँजासहित पक्राउ गरिएको मकवानपुरका प्रहरी प्रवक्ता श्यामु अर्यालले जानकारी दिए ।
नियन्त्रणमा लिइएको थाक्रालाई थप अनुसन्धानका लागि मकवानपुर जिल्ला अदालतबाट ७ दिनको म्याद थप गरिएको प्रहरी प्रवक्ता अर्यालले बताए ।
