मनहरीमा स्कारपियो र कार ठोक्कियो, ८ जना गम्भीर घाइते
अखबार हब२०८१ पुष २७, शनिबार १४:४८
हेटौंडा । मकवानपुरको मनहरीमा स्कारपियो र कार एक आपसमा ठक्कर खाई दुर्घटना हुँदा ८ जना गम्भीर घाइते भएका छन् ।
शनिबार दिउँसो १ बजेको समयमा पुर्बपश्चिम राजमार्ग अन्तर्गत मकवानपुरको मनहरी गाउँपालिका वडा नम्बर ६ डिपार्ट स्थित बिरगंज बाट चितवन तर्फ जाँदै गरेको बागमती प्रदेश ०१-०२६ च ५२५० नम्बरको स्कारपियो र चितवनबाट हेटौंडा तर्फ आउदै गरेको बा १६ च ८३२४ नम्बरको कार एकआपसमा ठक्कर खाई दुर्घटना हुँदा दुबै सवारीका चालकसहित ८ जना गम्भीर घाइते भएको मकवानपुर प्रहरीले जनाएको छ ।
चालकसहित घाइते सबै जनाको उपचारको लागी चितवन लगिएको प्रहरीले जनाएको छ ।
