मकवानपुरबाट २ सय १२ किलो लागुऔषध गाँजा बरामद
अखबार हब२०८१ माघ ६, आईतवार २१:४१
हेटौंडा । मकवानपुर प्रहरीले सय १२ किलो लागुऔषध गाँजा बरामद गरेको छ ।
मकवानपुरको राक्सिराङ गाउँपालिका वडा नंबर–५ चैनपुरबाट प्रहरीले यतीका धेरै परिमाणको लागुऔषध गाँजा बरामद गरेको हो ।
मकवानपुरको कैलाश तर्फबाट मनहरी तर्फ आउँदै गरेको बा १० च ७७५८ नम्वरको बोलेरो पिक गाडी प्रहरीलाई देख्नासाथ गाडी चालक तथा अर्का १ जना व्यक्तीहरु सडकमा गाडी छोडी भागी फरार भएको प्रहरीले जनाएको छ । तत्कालै स्थानीय मानिसहरुको रोहवरमा खानतलासी गर्दा उक्त गाडीको पछाडी ढालाको भागमा लुकाई छिपाई गरी ल्याईएको अवस्थामा गाँजा २१२ किलो फेला परेको हुँदा उक्त गाँजा र गाडी नियन्त्रणमा लिएको जिल्ला प्रहरी कार्यालय मकवानपुरका प्रहरी नायब उपरिक्षक श्यामु अर्यालले बताए ।
