लागूऔषध गाँजासहित हेटौंडाबाट दुई जना पक्राउ
अखबार हब
हेटौंडा । मकवानपुर प्रहरीले लागूऔषध गाँजासहित विभिन्न स्थानबाट दुई जनालाई पक्राउ गरेको छ ।
सोमबार धरान चतरा सडकखण्ड अन्तर्गत हेटौंडा- १७ बाट २ किलो सय ग्राम लागूऔषध गाँजासहित एक जना र पूर्वपश्चिम सडकखण्ड अन्तर्गत हेटौंडा -१५ रातोमाटेबाट आज ५ किलो ३४० ग्राम लागुऔषध गाँजासहित अर्का एक जनालाई मकवानपुर प्रहरीले नियन्त्रमा लिएको हो ।
शंकास्पद रुपमा हिडिरहेको अवस्थामा हेटौंडा- १८ मानेडाँडा बस्ने वर्ष १७ को सुमन गोङ्वालाई चेकजाँच गर्ने क्रममा र हेटौंडाबाट बिरगंजतर्फ जादैँ गरेको बा.प्र. ०३-००५ प ९४८४ नं. को स्कुटर चालक मकवानपुरको कैलाश ९ नामटार घर भई हेटौंडा- ११ थानाभर्याङ डेरा गरी बस्ने वर्ष ४० को कुमार सिं गोलेलाई शंका लागी चेकजाँच गर्ने क्रममा उक्त लागूऔषध गाँजासहित पक्राउ गरिएको मकवानपुर प्रहरीले जनाएको छ । पक्राउ परेका दुवै जनालाई जिल्ला अदालत मकवानपुरबाट ७ दिनको म्याद थप गरि आवश्यक अनुसन्धान भइरहेको प्रहरीले जनाएको छ ।
