हिज्जे प्रतियोगितामा भुटनदेवी प्रथम
अखबार हब
हेटौंडा । हेटौंडा उपमहानगरपालिका वडा नम्बर-४ को आयोजना तथा शैक्षिक गुणस्तर सुधार समितिको व्यवस्थापनामा सुरु भएको दोस्रो वडा खेल महोत्सव अन्तर्गत आज भएको नेपाली हिज्जे प्रतियोगितामा भुटनदेवी मावीका विद्यार्थी प्रथम भएका छन् ।
हेटौंडा- ४ स्थित श्रमिक मावीमा आयोजना भएको नेपाली हिज्जे प्रतियोगितामा भुटनदेवी मावीका विद्यार्थी भाषिका कोईराला, समिक्षा तिमल्सिना,नेहा बानियाँको समुह प्रथम भएको छ भने श्रमिक मावीका प्रगति माली, रेक्सन पटेल र लक्ष्मी कुमारी रायको समुह द्वितीय भएको छ । त्यसैगरि प्रतियोगितामा ब्रम्हदिक एकेडेमीका कृष्मा लौडारी, आभास घिमिरे र सदिक्षा घलानको समुह तृतीय भएका छ ।
प्रतियोगितामा ४ नम्बर वडाका ७ वटा विद्यालयबाट २१ जना विद्यार्थी सहभागी भएका थिए । शैक्षिक गुणस्तर सुधार समिति हेटौंडा–४ का अध्यक्ष श्रीराम दहालको सभाध्यक्षतामा भएको प्रतियोगितामा वडाध्यक्ष नवीन सिग्देलको प्रमुख आतिथ्यता रहेको थियो ।
माघ ९ बाट सुरु भएको खेल महोत्सव फागुण १७ गते सम्म चल्ने आयोजकले जनाएको छ ।
