पत्रकार महासंघ बागमती प्रदेश अध्यक्ष सारुलाई पीतृशोक
अखबार हब२०८१ चैत्र २४, सोमबार १९:४९
हेटौंडा । नेपाल पत्रकार महासंघ बागमती प्रदेश समितिका अध्यक्ष कृष्ण सारु मगरलाई पीतृशोक परेको छ ।
सारुका बुबा ५४ वर्षीय सुर्ज थापा मगरको सोमबार दिउँसो १२ बजेर २० मिनेटको समयमा निधन भएको हो । अटो चालक बुबाको आइतबार दुर्घटनामा परी गम्भीर घाइते भएका थिए ।
आईतबार दिउँसो २ बजेर ४५ मिनेटको समयमा कान्तिलोकपथमा हेटौँडा बजारबाट मकवानपुरगढी दरबारतर्फ जाने क्रममा मकवानपुरगढी–२ मा माथि डाँडाबाट खसेको ढुंगाले लागेर बुबा गम्भीर घाइते भएको थियो ।
हेटौँडा अस्पतालमा उपचार सम्भव नभएपछि चितवनस्थित चितवन मेडिकल कलेज हुँदै आइतबार राती नै ११ बजे काठमाडौंस्थित अन्नपूर्ण न्यूरो अस्पताल पु¥याइएको थियो । पोष्टमार्टमपछि बुबाको शव हेटौँडा नै ल्याएर अन्त्येष्टि गरिने पारिवारिक स्रोतले जनाएको छ ।
