हेटौंडामा भाटभटेनीको २०औँ शाखा उद्घाटन,२५० जनालाई रोजगारी
अखबार हब२०७८ मंसिर २२, बुधबार १०:४४
मकवानपुर । भाटभटेनी सुपरमार्केटस्ले हेटौंडामा आफ्नो २०औँ शाखाको उद्घाटन गरेको छ । बुधबार बिहान भाटभटेनी सुपरमार्केटस्का अध्यक्ष मीनबहादुर गुरुङले हेटौंडामा उद्घाटन गरेका हुन् ।
एक अर्ब ५० करोड बढी लागतमा २०औँ शाखाको निर्माण गरिएको गुरुङले जानकारी गराए ।
“हामीले यहाँ २५० जनालाई रोजगारी दिएका छौँ,” उनले भने, “सामाजिक उत्तरदायित्व अन्तर्गत पनि हामीले यहाँ काम गरेका छौँ ।”
उनका अनुसार हेटौंडाको चौकी टोलमा करिब ८५ लाखको लागतमा सडक मर्मत गरिएको छ । भाटभटेनीले यसअघि १९ औँ शाखा इटहरीमा सञ्चालनमा ल्याइसकेको छ ।
