भारतका रक्षा प्रमुख बिपिन रावत चढेको हेलिकप्टर दुर्घटनाग्रस्त
अखबार हब२०७८ मंसिर २२, बुधबार १५:२९
भारत । भारतको तमिलनाडुमा भारतीय सेनाको हेलिकप्टर दुर्घटनामा परेको छ । हेलिकप्टरमा भारतका रक्षा प्रमुख (चिफ अफ डिफेन्स स्टाफ) बिपिन रावत रहेको जनाइएको छ ।
रावतसँगै उनकी श्रीमती पनि हेलिकप्टरमा रहेको जनाइएको छ । भारतीय मिडियाका अनुसार हेलिकप्टरमा सेनाका अन्य वरिष्ठ अधिकारीहरु समेत रहेका थिए ।
भारतीय वायु सेनाको ट्वीट अनुसार एमआई–१७ हेलिकप्टर दुर्घटना भएको हो । रावतलाई १ जनवरी २०२० मा भारतको पहिलो चिफ अफ डिफेन्स स्टाफ नियुक्त गरिएको थियो ।
भारतीय सेनाले दुर्घटनाबारे सत्यतथ्य बाहिर ल्याउन छानबिनको आदेश दिएको छ ।
