हेटौंडामा थप एक मिनि रंगशाला निमार्ण गर्न ८० लाख बजेट
अखबार हब
मकवानपुर । हेटौंडा उपमहानगरपालिकामा थप एक मिनि रंगशाला निमार्ण गरिने भएको छ । खेल क्षेत्रको विकासका लागि नगरमा थप एक मिनि रंगशाला तथा फुटसल निमार्ण कार्य प्रारम्भ गरिने भएको हो ।
आइतवार नगरको ११ औं नगरसभामा आर्थिक वर्ष २०७९/०८० का लागि नीति तथा कार्यक्रम र बजेट प्रस्तुत गर्दै उपमेयर राजेश बानियाले नगरमा थप एक मिनि रंगशाला तथा फुटसल निमार्ण कार्य प्रारम्भ ८० लाख बजेट विनियोजन गरिएको बताएका हुन् ।
साथै हेटौंडा – ५ स्थित क्याम्पा रंगशालाको थप पूर्वाधार निमार्ण गर्न २५ लाख बजेट छुट्याइएको उनले बताए ।
त्यस्तै सहित स्मृति स्थानीय तह गोल्डकप फुटबल सञ्चालन सहकार्यका लागि २५ लाख र फुटबल खेलको नियमित प्रशिक्षण गर्न फुटबल एकेडेमीका लागि ७५ लाख बजेट विनियोजन गरिएको उनको भनाई छ ।
समग्र खेलकुद प्रतियोगिताहरु आयोजना, सहभागिता, प्रशिक्षण, खेल सामाग्री वितरण, खेल पूर्वधार निमार्ण लगायतका कार्यक्रमका लागि आन्तरिक श्रोतबाट ३ करोड ७३ लाख बजेट विनियोजन गरिएको बताए ।
