महिला जागृतिको कारोबार १६ करोड ४२ लाख
अखबार हब
मकवानपुर । मकवानपुरको भीमफेदी गाउँपालिका वडा नम्बर ६ मा रहेको महिला जागृति बचत तथा ऋण सहकारी संस्थाको शनिबार २४ औं वार्षिक साधारण सभा भएको छ ।
संस्थाका अध्यक्ष रिताकुमारी मगरको सभाध्यक्षतामा भएको सभामा गाउँपालिका उपाध्यक्ष सञ्जिव श्रेष्ठको प्रमुख आतिथ्यता रहेको थियो ।
सहकारीले आव २०७८/०७९मा आफ्ना शेयर सदस्यलाई १४ करोड ३ लाख १० हजार ७५९ रुपैयाँ कर्जा लगानी गरेको छ । १६ करोड ४२ लाख ३७ हजार ९२० रुपैयाँको वार्षिक कारोबार रहेको सहकारीमा बचत निक्षेप भने १३ करोड ३७ लाख ७८ हजार २६७ रहेको संस्थाका व्यवस्थापक कोपिला थापाले बताइन् । एक हजार चार सय शेयर सदस्य रहेको सहकारीमा एक करोड ५६ लाख ३८ हजार २ सय शेयर पुजीँ रहेको छ भने जगेडा कोष एक करोड ७२ लाख १८ हजार २४२ रुपैयाँ रहेको छ ।
सहकारीले सभाको अवसरमा सहकारीको कार्यक्षेत्रमा क्रियाशील रहेका स्वास्थ्य स्वंम सेविकाहरुलाई सम्मान गरिएको थियो ।
सभामा जिल्ला बचत तथा ऋण सहकारी संस्थाका कोषाध्यक्ष विष्णुमाया लामा, वडा नं. ६ का वडा अध्यक्ष सोमबहादुर लामा, भीमसेन साना किसान सहकारीका सरिता परियार चण्डेश्वरी साकोसका शान्ता विक लगायतको आतिथ्यता रहेको थियो ।
