विद्युत प्राधिकारण केन्द्रिय वर्कशप हेटौंडामा आगोलागी
अखबार हब२०८१ मंसिर १३, बिहीबार ०८:००
हेटौंडा । नेपाल विद्युत प्राधिकारण केन्द्रिय वर्कशप हेटौंडामा आगोलागी भएको छ । हेटौंडाउपमहानगरपालिका वडा नम्बर–५ भैरबरोड स्थित नेपाल विद्युत प्राधिकरण केन्द्रिय वर्कशपमा आगोलागी भएको हो ।
वर्कशपको पुरानो सामान राखेको स्थानमा अचानक आगोलागि भएको जिल्ला प्रहरी कार्यालय मकवानपुरका प्रहरी नायब उपरिक्षक श्यामु अर्यालले बताए ।
उक्त आगो नेपाल प्रहरी, हेटौडा उपमहानगरपालिकाको नगर प्रहरी, विद्युत प्राधिकरणका कर्मचारी र हेटौडा उपमहानगरपालिकाको २ वटा दमकलको सहयोगमा गएराती नियन्त्रणमा लिएको पहरीले जनाएको छ ।
वर्कशपमा यसअघि दुई पटक आगलागी भएको थियो । ११ वैशाख २०७१ मा लागेको आगलागी दमकलको प्रयोगबाट पनि नियन्त्रणमा लिन नसक्दा डोजरले भवनको पर्खाल भत्काएर नियन्त्रणमा लिइएको थियो ।
१२ माघ २०७९ मा आगलागी हुँदा तारलगायतका विद्युतीय सामग्री जलेर नष्ट भएका थिए ।
