संगठन विस्तारमा अनेरास्ववियु मकवानपुर क्याम्पस कमिटी
अखबार हब
हेटौंडा । नेकपा (एमाले) निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन मकवानपुर बहुमुखी क्याम्पस कमिटीले संगठन विस्तार अभियान सुरु गरेको छ ।
अनेरास्ववियु केन्द्रीय सदस्य अकाश अधिकारीको प्रमुख आथित्यतामा अभियानको सुरुवात गरिएको हो ।
अभियानको दौरान संगठन विस्तार संगठनको नियमित काम रहेको र क्यम्पसमा अध्ययन गर्न आउनु हुने नयाँ विद्यार्थीहरुलाई संगठनमा संगठित गराउने नियमित प्रक्रिया रहेको क्यम्पस कमिटीका अध्यक्ष प्रसिद्ध रेग्मीले बताए ।
यस्तै विद्यार्थीहरुलाई संगठित गर्ने मात्रै हैन हरेक विद्यार्थीहरुका गुनासो समस्याहरुलाई टिपोट गरी त्यसको समाधानको पहलकदमी पनि लिने हिसाबले संगठन विस्तार को अभियानमा केन्द्रित हुनु पर्ने कुरा केन्द्रीय सदस्य आकाश अधिकारी ले बताए।
कार्यक्रममा अनेरास्ववियुले आफूलाई विद्यार्थीको हरेक गतिविधिमा क्रियाशील बनाउने र जिल्ला भरि नै संगठन विस्तार को अभियान सञ्चालन गर्ने अनेरास्ववियु उपाध्यक्ष नवराज शर्मा ले बताए । स्ववियु सदस्य उन्नत देवकोटा र निर्दोष लुइँटेलले कार्यक्रम सञ्चालन गरेकोमा आज तीनओटा वटा कमिटी निर्माण भएको अनेरास्ववियुका नेता निर्दोष लुइँटेलले बताए ।
कार्यक्रम मा महिला विद्यार्थीहरुले महिलाहरुको समस्या लक्षित कार्यक्रम राख्नु पर्ने सुझाव आएको अनेरास्ववियु सहसचिव तथा महिला विभाग प्रमुख जस्प्रिता अधिकारीले बताइन् । कार्यक्रममा जिल्ला कमिटी अध्यक्ष लगायत पधाधिकारीहरुको सहभागिता रहेको थियो ।
समाचार थप
