सकियो मउवा संघको चुनाव, एजार ८ सय १६ मत खस्यो
अखबार हब२०८१ पुष २७, शनिबार १७:०६
हेटौंडा । मकवानपुर उद्योग वाणिज्य संघको नयाँ नेतृत्वको लागि आज भएको मतदान सकिएको छ । बिहान ९:३० बजे हेटौंडा २ स्थित पल्पसा हलमा सुरु भएको मतदान दिउँसो ४: २५ बजे सकिएको हो ।
२ हजार ४६ जना मतदाता रहेको संघमा एक हजार ८ सय १६ जनाले मतदान गरेको निर्वाचन अधिकृत ईश्वरराज ढकालले जानकारी दिए । जस अन्तर्गत वाणिज्य तर्फ एक हजार एक सय ५४, उद्योग तर्फ ५ सय ५५, एशोसिएत तर्फ ८८ र बस्तुगत तर्फ २६ मत खसेको निर्वाचन अधिकृत ढकालले बताए । मतगणना केहिबेरमा सुरु हुने जनाएको छ ।
कुल २८ पदमध्ये २१ पदमा ४२ जना उम्मेदवार चुनावी प्रतिस्पर्धामा छन् । दुई सचिवसहित ७ जना यसअघि नै निर्विराेध निर्वाचित भएका थिए ।
