मनहरी दुर्घटना अपडेट : मृत्यु हुनेको संख्या दुई पुग्यो, स्कारपियो चालक फरार
अखबार हब
हेटौँडा । मकवानपुरको मनहरीमा सवारी दुर्घटना हुँदा मृत्यु हुनेको सङ्ख्या दुई जना पुगेको छ भने १२ जना घाइते भएका छन् । शनिबार दिउँसो १ बजेको समयमा मनहरी ६ डिपार्टस्थित पूर्व पश्चिम सडकखण्डमा स्कारपियो र कार ठोक्किँदा दुर्घटना भएको हो ।
जिल्ला प्रहरी कार्यालय मकवानपुरका अनुसार दुर्घटनामा कार चालक मकवानपुर हेटौंडा उपमहानगरपालिका ४ स्कुलरोड बस्ने ६० वर्षीय सुरेन्द्रलाल श्रेष्ठ र कारमा सवार चितवन राप्ती- २, गड्यौली बस्ने ५० कि सुनिता श्रेष्ठको उपचारको क्रममा नयाँ मेडिकल कलेज भरतपुरमा मृत्यु भएको हो।
चितवनतर्फ जाँदै गरेको बागमती प्रदेश ०१ ०२६ च ५२५० नम्बरको स्कारपियो र चितवनबाट हेटौंडा तर्फ आउँदै गरेको बा १६ च ८३२४ नम्बरको कार ठक्कर खाँदा दुर्घटना भएको जिल्ला प्रहरी कार्यालय मकवानपुरले जानकारी दिएको छ ।
स्कारपियो चालक रौतहट घर भई पर्सा बीरगज बस्ने २० वर्षीय किशन जैसवाल फरार रहेको र खोजीकार्य भइरहेको प्रहरीले जनाएको छ ।
घाइतेको नामावली
१) कार चालक जि.मकवानपुर हेटौडा उ.म.न.पा.४ स्कुलरोड बस्ने बर्ष अं.६० को सुरेन्द्र लाल श्रेष्ठको मृत्यु भएकोमा ऐ.१५;०० बजे शव सरकारी अस्पताल चितवनमा पठाइएको ।
२) कारमा सवार जिल्ला चितवन राप्ति न.पा.२ गड्यौली बस्ने बर्ष अ.५५ को ओम कुमार श्रेष्ट छातिमा चोट अबस्था मध्यम ।
३) ऐ.मा सवार जिल्ला चितवन राप्ति न.पा.२ गड्यौलि बस्ने बर्ष अं.५० की सुनिता श्रेष्ठको उपचारको क्रममा मृत्यु ।
४) ऐ.सवार ऐ.ऐ.बस्ने बर्ष २१ की सुमिना श्रेष्ठ आँखामा नाक मा चोट मध्यम ।
५) स्कारपियोमा सवार जि.पर्सा बिरगंज महानगरपालिका २ छपकैया बस्ने अं. २६ बर्ष कि पुजा देवि शाह हात र खुट्टामा चोट अवस्था मध्यम ।
६) स्कारपियोमा सवार ऐ.बस्ने निजको छोरी बर्ष अं.८ कि प्रियान्सि शाह आँखा र नाकमा चोट अवस्था (मध्यम)
७ ) ऐ.ऐ.बस्ने बर्षअं.२३ की सुरदी देवि आँखामाथि चोट अवस्था (मध्यम)
८) ऐ.ऐ.बस्ने बर्ष अं.२१ की निशा कुमारी शाह हात खुट्टामा चोट (मध्यम)
९) ऐ.ऐ.बस्ने बर्ष बर्ष अं.१५ को ओम संकर साह हात खुट्टामा सामान्य चोट अबस्था समान्य ।
१०) ऐ.ऐ.बस्ने बर्ष बर्ष अं.१९ को राजिब कुमार साह सामान्य हात खुट्टामा सामान्य चोट अबस्था समान्य ।
११) ऐ.ऐ.बस्ने बर्ष बर्ष अं.१९ की आरति कुमारी साह हात खुट्टामा सामान्य चोट अबस्था समान्य ।
१२) ऐ.ऐ.बस्ने बर्ष बर्ष अं.४ की दिब्या कुमारी साह हात खुट्टामा सामान्य चोट अबस्था समान्य ।
१३) ऐ.ऐ.बस्ने बर्ष बर्ष अं.१६ को सरोज शर्मा हात खुट्टामा सामान्य चोट अबस्था समान्य ।
१४) ऐ.ऐ.बस्ने बर्ष बर्ष अं.१९ की रोशनी शर्मा हात खुट्टामा सामान्य चोट अबस्था समान्य । (स्कारपियो चालक को हो भनि नखुलेको अनुसन्धान भईरहेकाे) ।
