लागूऔषध गाँजासहित हेटौंडाबाट दुई जना पक्राउ
अखबार हब२०८१ माघ ७, सोमबार १८:५९
हेटौंडा । मकवानपुर प्रहरीले लागुऔषध गाँजासहित दुई जनालाई पक्राउ गरेको छ ।
आईतवार बिहान ११:४५ बजेको समयमा जिल्लाको हेटौंडा उपमहानगरपालिका वडा नम्बर १९ नेवारपानीबाट ११ किलो लागुऔषध गाँजासहित दुई जनालाई नियन्त्रणमा लिएको हो ।
नारायणगढबाट हेटौंडा हुँदै गौरतर्फ जाँदै गरेको लु. १ ख ७३९५ नं. को यात्रुबाहक बसमा सवार भई आएका पर्सा सखुवा पर्सौनी गाउँपालिका वडा नं. ०१ बस्ने वर्ष ४२ को सुरेश दास थारु र सोही जिल्ला पर्सागढी नगरपालिका वडा नं. ०२ बस्ने वर्ष २९ को अर्जुन महतो थारुलाई शंका लागी चेकजाँच गर्ने क्रममा झोलामा लुकाएर ल्याएको अवस्थामा ११ किलो लागुऔषध गाँजासहित नियन्त्रणमा लिइएको प्रहरीले जनाएको छ ।
